North Korea officials kan Kim jong Un laka pins chulai shae

June 30, 2024: Sunday din deh state media para photo kan release kuri shae aro etu photo kan deh,  First time karne, North Korean officials kan Kim Jong Un laka photo taka pins chulai shae, public deh. Etu tho sobse latest step ase, cult nishi nah development taka tho. Officials kan ekta key meeting lui taki shae aro etu meeting tho Kim para chair kuri shae. Etu meeting deh officials kan, taikan laka right lapel deh typical party logo pin tho lakai taki shae aro left chest deh, Kim laka shakal taka pin lakai taki shae. 8th Central Committee of the Workers’ Party of Korea laka 10^th Plenary Meeting tho party laka performance review kureh, sal laka first half karne.Etu meeting tho Friday din deh shuru hui shae kui shae state news agency KNCA para. Kim dynasty kun kan World War Two piche deh North Korea keh rule kuri nah ahi ase, taikan, taikan laka majo deh cult nishi nah development banai nah power tho kara kuri bole bisareh. Taikan, Kim Jong Un laka leader status tho tai laka baba aro bura baba nishi nah bana bole koshish kuri ase aro etu koshish deh taikan, Kim laka photo tho Kim Kong II aro Kim II Sung laka portrait next deh hang kuti nah ase.  April mohina deh, Kim Jong Un laka ekta music video release hui shae. Etu video deh taikan Kim tho “friendly father aro ekta “Great leader” ase kui nah praise kuri taki shae. Etu music video to state controlled Korean Central Television para aid kuri shae aro etu video tho South Korea para ban kuri nah ase.