Israel -Hamas war: Israel kan Jerusalem churches keh tax kuri bole plan banai shae

June 30, 2024: Israeli authorities kan occupied Jerusalem deh taka churches laka upor kan deh tax impose kuri bole plan report kuri shae aro Palestinian foreign minister para etu plan tho condemn krui shae. “Israel kan occupying power ase aro taikan, Jerusalem upor deh sovereignty nai,” military para kui shae. Taikan para aro Israel kan enaka taxes impose kuta tho illegal ase kui shae. Etu plan tho Israel laka broader “systematic prosecution aro attack laka part pitor deh ase, kuto Palestinian Christians aro clergy laka against ase,” ministry para kui shae. Jua hapta Catholic, Greek Orthodox aro Armenian Orthodox churches laka heads kan para Tel Aviv, Ramla, Nazareth aro Jerusalem laka Israeli municipalities kan para churches laka against warning letters nahoi leh commenced legal action issue kuri shae kui shae, agae mohina kan deh. Church leaders kan para Israeli prime Minister keh letter patai shae aro etu letter kan deh taikan para etu warnings aro legal action tho ekta “coordinated hamla” ase kui shae aro Holy Land para Christians kan keh hata bo karne koshish ekta ase kui shae.