Libyan election toh June moina thakile phal: UN envoy

Agencies, 12 November: Libya laga UN envoy toh June moina election thakibole biswas kori ase. Hoilebe Libyabs toh 2019 laga first moina time deh national conference thakibo lagi koise. Kelay koile etu time deh poll’s laga format manibo karni. Libya jaga deh chamala ola bechide UN Special Envoy Ghassan Salame toh Dec. 10 deh elections lobole mana thakise. Palermo jaga deh Rome pora conference suru nakora agae deh Salame toh  Reuters logode kotha kora thakise. Jowah hapta Salame pora pura-puri kotha nakori kena election toh spring season time deh thakibo kowah thakise. Monday din interview time deh envoy pora vote toh March aro June last moina majode thakibo koise. Hoilebe poll laga format toh ahha sal January moina phalli national conference thaga time mana opor deh ase koise. Salame pora kowah toh, national conference time deh ami khan kenaga type laga election lobole mon ase aro kenaga type laga law lobole mon ase koikena hotibole ase. Envoy pora national conference toh Libyan laga mathi dehe lobo pari koise.