Russian laka strikes para hazar manu keh affect kuri ase

July 7, 2024: Russian strikes kan para 100,000 households kan keh power nataki nah chari di shae, northern Ukraine deh. Etu heh nahoi nah strikes para water supply b kati di shae, Ukrainian authorities para Saturday din deh report kuri shae. Russia kan Friday din deh strikes kura tho energy infrastructure keh damage kuri di shae. Damage kura tho northern Sumy region, kuto Russia keh border, etu jaka keh anthera banai di shae, Ukrainian Energy Ministry para kui shae. Olop piche deh, Ukrainian public broadcaster para Russian drones kan, provincial capital keh hit kuri dishae kui shae. Drones strikes para power lines keh lakai di shae, kuto taikan laka pump system keh power di taki shae. Enaka hui jah tho Sumy laka water supply tho kati di shae. Ekta local pro-Kremlin “Underground” leader para Moscow laka forces kan, ekta plant producing rocket ammunition keh strike kuri shae kui shae, Report para ki weapon chui shae, etu tho kwa nai aro claim tho independently verify kuri bole napareh.