July 10, 2024: U.S aro alak NATO allies kan aha mohina deh, Ukraine kan keh dozen nishi nah air defense system pata bole ase. Tateh para kom seh kom chartha tho powerful Patriot systems taki bole ase, kuto Kyiv kan bishi mangi nah ahi asem Russian laka advances kan keh fight off kuri bo karne, ekta nutun joint agreement isap deh.
“Aji mui air defense laka ekta historic donation announce kuri bole ase, Ukraine karne,” President Joe Biden para Tuesday din deh kui shae, NATO summit laka opening din deh, “United States, Germany, Netherlands, Romania aro Italy kan para pastha additional strategic air defense system lokot deh equipment tho dibo leh ase, Ukraine kan keh.
Etu laka upor deh, tai para aha mohina deh, United States aro alak countries kan, dozen nishi nah tactical air defense system aro ekso nishi nah munitions dib oleh ase kui shae. Etu announcement tho Mellon Auditorium deh kura ase, summit laka opening din deh. Tateh Biden aro NATO Secretary-General Jens Stoltenberg para Ukraine keh support kuri bo karne phat eki lokot uthi bole lakeh kui shae.
Tuesday din deh release hua joint statement isap deh, U.S, Germany aro Romania kan Ukraine keh additional patriot batteries dib oleh ase, Netherlands aro alak kan aro ekta battery karne Patriot components pata bole ase. Italy kan tho ekta SAMP-T air defense system dib oleh ase.
Add Comment