London, 11 July : British police para ekta manhunt launch kurishey, Clifton Suspension Bridge, Bristol, south west England dey human remains thakia tuita
suitcases pai piche dey.
Police kuishey ki taikhan ekta report paishey ki itu bridge dey Wednesday dey midnight deg ekta mota suitcase logot suspiciously act kuri thakia dikhi paishey huilewi kitia taikhan ahina pahunjishey tai jai jaishey, itu suitcase ke picha charina. Osor dey ekta second suitcase bhi paishey.
Itu suitcases dey human remains thakia phabna kuri asey, Avon ato Somerset Police para ekfa statement dey kuishey Thursday dey.
Police kuishey ki taikhan taxi laga driver ke khota kuishey kun para itu mota ke itu bridge dey lui jaishey aro gaari ke seize kurishey. Itu bridge, Avon Gorge aro River Avon dey thakina, itu jagah deg crime scene investigators examine kuria karoney
bondh kuri dishey.
Bristol laga sobse recognisable landmarks, itu suspension bridge toh renowned 19th century engineer Isambard Kingdom Brunel laga ekta design para panaishey aro 1864 dey khulishey. Itu law dey protected status asey.
Add Comment