Aamir Khan laga chokra Junaid Khan Instagram nochola laga karon koisey

New Delhi, July 12 : Junaid Khan aro Siddharth P. Malhotra para taikhan laga film Maharaj nimitey bisi interview disey. Etu film ke Yash Raj Films para produce kurisiley aro etya Netflix te available asey. Instant Bollywood ke kotha kora homoitey, Junaid para koisey ki taikey instagram te mojud hobole laga jarurat nalagey. Aro tailaga director para koisey, ‘Amikhan tai para sikhibo lagey, tai tailaga sob dhyan aro energy tailaga kaam te diye.” Etu film te sensitive topic thaka nimitey bisi controversies(charcha) te ahisey. Etu tu 1862 te huwa ekta libel case laga bari te asey. Etu te Jiadeep Ahlawat ke Maharaj Jadunath kunke JJ koikina bi jana jai etu mujrom laga roop te dikhaisey. Kun mason maiki khan ke dhorom aro biswas laga naam te biya kaam kuribole cholai. Etu film laga kahani laga alag alag roop para etu film ke ek hapta tak release hobole diyanai. Aro June 21 pichey para akhirkar etu Netflix te stream hobole suru hoisey.