July 12, 2024: Friday din deh Japan laka defense ministry para 200 laka upor senior officials aro services members laka against disciplinary action announce kuri shae, classified materials aro alak misconduct karne. Japan laka Defense Ministry aro taikan laka Self Defense Forces kan scrutiny laka pitor deh ase. Etu scrutiny tho allegations kan ola karne ase, navy laka members kan para sensitive protection law violate kuri shae kui nah. Etu heh nahoi nah special assignments karne allowances falsely claim kura karne aro base cafeterias deh free kha saman claim kura nishi nah misconduct kura karne.
Defense Minister Minoru Kihara para etu kui nah maff mangi shae. Tai para etu problems kan public trust, kuto ministry aro Japan laka defense karne ase, etu keh bishi damage kureh kui shae. “Muila responsibility tho mui bhal para janeh.” Tai para organization deh discipline nata karne botnam di shae.
Kihara para ministry laka investigation para 38 destroyers aro submarines deh classified information kan mishandle hui shae kui shae, hoile b military laka bahar deh sensitive information kan leak hua nai kui shae.
Hoile b etu issue tho sorom kotha ase aro Japan laka reputation bia kuri bo pareh. Japan kan itia, United States, Australia, U.K aro alak western partners kan lokot deh, taikan laka military cooperation accelerate kuri bole efforts banai ase aro enaka time deh, etu incident hua tho bia dikaeh.
Add Comment