July 12, 2024: President Joe Biden laka gulti, kuto agae deh hua NATO summit deh hui shae, etu tho social media users majo deh gorom topic hui shae. POTUS para Ukrainian President Volodymyr Zelensky keh ‘President’ Putin laka nam deh address kuri shae, world leaders laka agae deh. Incident tho itia global attention tania se aro ekta video deh, Ukraine leader laka reaction b taki shae. Viral video deh tai tho etu huna piche deh ekdum shock deh taki shae.
Ekta X user para video tho share kuri nah etu liki shae, “Zelensky laka reaction sabi, Biden taike Putin mata time deh.” Video deh, Joe Biden para etu kui shae,” Aro mui itia, Ukraine laka President keh time dibo mun jai, kun lokot deh determination taka nishi nah courage b ase, Ladies aro gentleman kan, President Putin.” Video para Zelensky laka stun hua reaction dikai shae, kune karne rukhi shae aro podium deh khara kuri bole hesitate kuri taki shae.
US President para phat microphone tho lui nah etu aro kui shae,” President Putin, apni President Putin keh hara bole pari bo. President Zelensky, Mui Putin keh hara bole focus deh ase. Mukan, tai karne jinta taki bole heh lakeh.” Tai etu piche deh Zelensky laka side deh sai shae aro tai laka hath shake kuri shae.
Add Comment