July 13, 2024: American socialite aro entrepreneur Kim Kardashian, kun Anant Ambani aro Radhika Merchant laka wedding attend kuri shae, taila buni Khloe Kardashian lokot deh, tai para lavish ceremony tho taikan laka reality TV Show “The Kardashians” deh taki bo kui shae.
Kim, 43 aro Khloe, 40 kan kun bah international celebrities kan taki shae, kun kan India de ahi shae, Anant aro Radhika laka nuptials attend kuri bo karne. Anant aro Radhika laka nuptials tho Friday rati deh lui shae, Mumbai laka Jio World Drive jaka deh, Etu jaka tho ekta convention centre ase kuto Ambani kandan para banai shae aro own kureh.
Khloe para social media deh share kura ekta agae video deh, ekta production crew, cameras, lights aro microphones lokot deh, didi-buni keh follow kuri taki shae aro kun bah fans kan para taikan tho “The Kardashians” karne shoot kuri ase kui nah suspect kuri shae.
Taila latest Instagram post deh, Kim para taila aro Khloe laka ekta video post kuri shae. Etu video tho taikan, high profile ceremony karne ready hua piche deh post kur ase. Etu video deh tai para, taikan, taikan laka popular reality series karne film kuri ase kui nah share kuri shae.
“Ami kan, mukan laka video screen garb kuri bo laki shae, kile koile mukan eman kushi deh taki shae, dunia tho eki lokot deh travel kuri bo pah karne. Aro mukan “The Kardashians” b film kuri ase. Apni kan Kim aro Khloe, India keh lua tho diki bo pari bo” tai para kui shae.
Add Comment