July 13, 2024: Itu Minority Affairs laga Directorate para ekta Sensitization au awareness programme loishey, Chumoukedima laga DC laga Conference Hall tey para, 12th July 2024 tey.
Minority Affairs laga Director – Shashank Pratap Singh, IAS para tai laga address tey highlight kurishey ki, itu Directorate of Minority Affairs toh hoiley Nagaland Government para banaishey, itu State General Election 2023 pichetey. Tai para state kurishey ki, Government of India para 1992 tey, itu National Commission establish kurishey, Minority khan laga, ekta alag sa body ekta, itu minority community khan laga right laga interest toh protect kuri aru promote kuriboley laga mandate kuri di kena.
Deputy Commissioner, Chumoukedima, Abhinav Shivam, IAS para tai laga address tey, itu team khan ke appreciate kurishey, itu Directorate of Minority Affairs laga, itu awareness programme conduct kuria nimitey. Alag highlight khan, itu programme laga, presentation milai kena, alag alag scheme khan opor tey, itu Minsitry Affairs laga Directorate under tey: – NMDFC & PM VIKAS, Joint Director – Andrew C. Imti, NCS para; PMJVK, Project Officer, Shalo Khing para; Minority Scholarship Schemes, Vizosenuo Savi para.
Representative khan, sob Village Council khan para, Chumoukedima District under para aru CYO, CTSU, CTYO, CWO aru Muslim Union Chumoukedima laga member khan para itu program tey attend kurishey.
Add Comment