ANPSA Longleng Unit Para Quartet Competition Conduct Kurishey

July 14, 2024: All Nagaland Private Schools’ Association Longleng Unit para itu District Education Office, Longleng logotey collaborate kuri kena, ekta quartet competition organise kurishey, NBSE  Golden Jubilee laga, sob Private aru Government Scjool khan nimitey, Longleng District laga, Phom Baptist Christian Association (PBCA) Convention Hall tey para, 12^th July, 2024 tey. Ekta khata message tey, Assistant District Education Officer (ADEO), Kihovi Sema laga, tai para Phoptan, LDA, District Education Office (DEO) logotey para deliver kuri kena, tai para state kurishey ki, itu toh hoiley ekta opportunity asey, student khan nimitey, government aru private school khan nimitey bhi, eke logotey khara kuriboley aru showcase kuriboley tai khan laga talent khan. Tai para koishey ki, education toh hoiley khali kitab puria, exam pass kuria aru government servant hoa he khali nahoi. Tai para aru koishey ki, education toh hoiley ekta all- round development asey, ekta bacha laga. Tai para itu student khan ke encourage kurishey, bhal para perform kuriboley, khali tai khan laga puria- likha tey he nahoi, hoilebi alag curricular activity khan tey bhi. Itu choita school khan aru duita higher secondary laga competition tey, first prize toh hoiley Phom Lempong Higher Secondary School, Longleng ke award dishey, itu second prize toh hoiley Christian School, Tamlu ke dishey aru third prize toh hoiley Bautung Government Higher Secondary School, Longleng ke dishey. Itu toh hoiley yaad rakhiboley laga asey ki, itu first prize winner toh hoiley Longleng District ke represent kuriboley asey, itu State Level Quartet competition tey, kuntu toh NBSE para conduct kuriboley asey. Itu event nimitey judge khan thaka toh hoiley Chingmei Shukshuhu Phom, Chongmei Phom aru Denlei Angh thakishey. Itu program toh hoiley class 10 aru class 12 student khan aru teacher khan attend kurishey, sob school khan laga, aru itu program toh hoiley Angkhum Phom, Chaplain, Phom Lempong Higher Secondary School (PLHSS) para chair kurishey. Itu program toh hoiley vote of thank janai kena khotom hoishey, Shingmei Phom, Finance Secretary, ANPSA Longleng Unit para aru benediction toh hoiley, P. Apei Phom, Headmistress, Shamakok Mission School para prathana kurishey.