Kamal Hassan, Shankar laga ‘Indian 2’ ke 20 minute para katidisey

New Delhi, July 14 :Reports hisap te, Kamal Haasan aro director Shankar laga latest film ‘Indian 2’ ke 20 minutes para katidisey. Etu film release hoikina ekdin picheyte, etu film laga makers khan para critics (film ke saikina judge kora aro taikhan laga vichar share kora manu) aro audience khan para jawab huna picheyte etu film laga footage para 20 minute part hataidibole faisla kurisey. ‘Indian 2’ tu sob jaga para biya review pai asey. Indian 2 laga etu 20 minutes para katikina thaka version tu July 14 para theatre te chuli asey. Etu film laga asol runtime tu 3 hours aro 4 minute thakisey. Etya adha part katidiya laga version tu 2 hours aro 40 minute hobo.  Almost 28 years picheyte, Shankar aro Kamal Hassan para fan khan ke ‘Indian 2’ sequel gift kurisey. Film maker khan para etu film laga last fale Indian 3 laga trailer bi add kurisey. Director Shankar laga ‘Indian 2’ tu theatre te July 12 te 3ta bhasa te release hoisiley. Hoilebi etu film tu etu film laga eman josh te thaka fan khan laga taraf para bisi biya reaction paisey.