NIELIT Center Kohima Toh, State Laga Khali Ekta Cybercrime Investigation Lab Asey

July 15, 2024: NIELIT laga Director – L. Lanuwabang para koishey ki, National Institute of Electronics aru Information Technology Kohima center toh hoiley, itu ekla Forensic Lab asey, itu state tey kotey, cybercrime investigation toh hoiley kurey. Tai para itu bhi inform kurishey ki, itu Forensic Lab toh hoiley itu Law enforcement Agency ke service khan provide kurey, itu state laga, aru itu saath saath osor state khan ke bhi aru crime khan hoa laga itu state tey aru itu osor laga bahar state khan laga toh itu Lab tey aney justification nimitey. Lanuwapang para itu bhi inform kurishey ki, itu country bhitor tey bhi, NIELIT toh hoiley ekta virtual platform di kena asey, training khan diboley laga. Aru bhi tai para itu bhi inform kurishy ki, NEILIT toh hoiley ekta National station asey, 48 location khan thaki kena, itu country bhitor tey aru ajikali ke NIELIT Kohima para bhi ekta digital forensic programme launch kurishey, Egyptian trainee khan nimitey, student khan, university lecture khan/ professor khan aru government official khan Egypt laga, tai khan ke aim kuri kena. Itu program tai khan ke top tier cybersecurity skill khan logotey equip kuriboley aim kurey aru itu toh hoiley ekta valuable platform hisap serve kurey, knowledge exchange kuriboley aru foster kuriboley.