Karan Johar laga ‘Kill’ ke South te remake kuribole asey koikina rumours chuli asey

New Delhi, July 16 : Karan Johar laga ‘Kill’ film, kuntu tu ekta bi dangor star nathakikina aro eku dangor shor sharaba nathakikina release hoisiley, etu film tu release hoikina first 10 din te bisi dangor kamyabi hasil kurisey. Etu film laga makers khan tu etu film para India laga box office para bisi poisa tu dusra desh para kamaisey. Action film franchise ‘John Wick’ laga director Chad Stahelski, kun youth khan majotey bisi popular asey tai aro Karan Johar para milikina etu film laga Hollywood version banabole asey.  Aro etya khobor chuli asey ki etu film laga ekta South cinema version bi joldi banabole asey. Etu film tu Rs 20 crore maan khorcha kurikina banaisey. Release huwa laga second din te etu film laga kamayi tu 72% maan uthisey. Release huwa laga first din te etu film Rs 1.25 crore kamaisey aro second din te Rs 2.15 crore. Aro enaka kurikina ek hapta te hey Rs 6 crore para bisi kamaisey. Khobor pa hisap te, duita famous South star Sudheer Babu aro Kiran Abbavaram para olop din agyete ‘Kill’ film laga producer Karan Johar ke taikhan laga South remake rights kinibole nimitey contact kurisiley. Hoilebi Karan Johar tu nijor para etu film laga South remake kuribole laga mood te asey koikina koi asey.