Mumbai City FC para Defender Hardik Bhatt ke ek saal Contract dey sign kuresey

Mumbai, 17 July : Mumbai City FC para defender Hardik Bhatt ke 2024-25 season tak ek saal contract sign kuria confirm kurishey. Itu 27-saal toh agey dey ekta loan

stint piche Islanders dey wapis ahi asey, 2022-23 season laga second half dey.

Mumbai dey jonum aro dangor huina, Hardik toh ekta versatile right-footed full-back asey. Tai 2019 dey Ahmedabad dey ARA FC logot tai laga professional career shuru kurishey. Itu homoi luina, tai Bengaluru United, Hyderya Sports, aro Rajasthan United karney khilishey kuntu piche dey tai January 2023 dey Mumbai City FC ke join kurishey.

Hardik para 2022-23 season homoi Islanders logot four appearances kurishey, Indian Super League aro Super Cup tuita dey bhi club ke represent kurishey. Tai itu squad laga bhi ekta part thakishey kuntu 2023 dey ISL League Winners’ Shield jitishey.

2022-23 season khotom huina, tai Rajasthan United dey wapis jaishey, kutey tai jaa 2023-24 season I-League dey 14 khel khilishey, tuita assists kuntu para itu team league dey thakiboley motut kurishey.

Overall, Hardik para India dey domestic tournaments dey 47 khel khilishey, 2 goals score kurishey aro 2 assists register kurishey.