Washington, 14 November: 2017 sal US deh khobor janaideya ke FBI pora arobe janaideya toh, 2017 deh 8,400 pora be besi hate crime howah janaise. Etu time deh hate crime howah khan majode Sikhs logode kelaaf kori kena 24 hate crime howah thakise aro Hindus aro Muslims logode 15 aro 300 hate crime howah thakise. Tuesday din khobor jani powah toh Jews ke kelaaf kori kena 1,678 hate crime howah jani paise. Report deh, 2017 sal dehe sob meli kena 8,437 hate crime howah thakise. Jowah sal anti-Buddhist logodebe nine crime howah thakise. November 2016 sal President Donald Trump logode juna bechide South Asian Americans logode kelaaf kori kena racism aro crimes toh othi ase. Etu khobor toh first Indian-origin US Senator Kamala Harris pora janaideya ase. Aro tai pora be Americans khan logode ekta thakibole aro etu laga chamala ke hosha kotha kobole janaideya thakise. Report hesab deh, total 24 anti-Sikh, 15 anti-Hindu aro 314 anti-Muslim hate crimes toh US logode report kora thakise. Jowah sal February mona Indian engineer Srinivas Kuchibhotla toh Midwestern US, Kansas jaga deh moraideya thakise. 43 sal Indian laga store malik Harnish Patel toh March 2 direk South Carolina jaga deh moraideya thakise. 39 sal Sikh manu Deep Rai toh March 3 time deh najana manu pora hamla kora karni jokhom powah thakise. Etu time deh tai toh tai laga khor pahar Kent city jaga deh thaga ase. February 23 direk New York jaga deh India laga maike ke African-American pora racial abuse kora thakise. 2017 deh Sikh Coalition pora 12 anti-Sikh hate crime cases logode meli kena total 24 anti-Sikh hatsa howah thakise koise.
Add Comment