July 21, 2024: Donald Trump para Secret Service kan taike, gunman Thomas Matthew Crooks laka warning dia nai kui shae, agents kan para shooter keh diki nah b. “Kun b kwa nai muike,” Trump para Jesse Watters keh kui shae, Foc News anchor laka aha episode deh. “Kun b problem ase kui nah kwa nai.” “15,20 minutes rukhi lu b, enaka b kubo para taka ase. Kun b kwa nai. Mui laka papna deh etu tho gulti taki shae,” tai para kui shae. Former president para Crooks tho kinaka hui nah ekta roof laka upor deh uthi bo pari shae, etu question kuri di shae. Tai para jaka tho rally site para khali 118 meters dur heh ase kui shae aro kinaka hui nah Secret Service kan eku kuri bole para nai, etu keh question kuri shae. Shooting nahua agae deh police kan 26 minutes agae, Crooks keh diki taki shae kui nah report kuri shae. Hoile b kun para b eku action lua nai, witness kan para alert kuri nah b. Crooks para Trump keh jokom kuri nah aro firefighter Corey Comperatore keh murai dia piche deh, Secret Service snipers para Crooks keh murai di shae. “Kinaka manu ekjun rood deh jabo pari shae? Aro kile taike report kura nai, kile koile manu kan taike tho diki nah taki shae tho,” Trump para kui shae.
Donald Trump para Secret Service kan taike shooter laka warning dia nai kui shae
