July 24, 2024: Wednesday din deh ekta passenger plane, takeoff deh crash hui jai shae, Kathmandu jaka deh. Jula jah plane para pilot keh tho rescue kuri bo pari shae, hoile b board deh taka sob 18 passengers kan tho muri jai shae, police para AFP keh kui shae. Nepal kan aviation safety deh bia track record ase aro Himalayan republic kan, deadly light plane aro helicopter crash kan diki takeh. Saurya Airlines tho tuita crew aro 17 company staff members kan keh buki taki shae, Nepali police spokesman Dan Bahadur Karki para AFP keh kui shae. “Pilot keh tho rescue kuri di shae aro taike itia treat kuri ase. 18 bodies keh recover kuri nah ase, tateh para ekta tho foreigner ase. Taikan keh post-mortem karne lui jab oleh process deh ase mukan,” tai para kui shae. Flight tho technical nahoileh maintenance purpose karne conduct kuri taki shae, Nepal Civil Aviation Authority laka Gyanendra bhul para AFP keh kui shae. Bahadur aro Bhul tho utu foreigner laka nationality tho confirm kuri bole para nai. Nepal laka military para plane crash hua piche deh photo kan lua tho dikai shae. Photo deh plane laka fuselage bangi nah jula tho dikai shae. Plane tho 11:15 am nishi deh crash hui shae, military para ekta statement deh kui shae. Taikan para army laka quick response team para, rescue efforts keh motot di shae kui shae.
Nepal deh plane crash hua tho 18 jun muri jai shae
