Israel—Hamas war: Israeli military para evacuation order

July 24, 2024: Israeli military para Gaza Strip laka ekta crowded jaka deh evacuation order kuri shae. Etu jaka tho taikan para ekta humanitarian zone ase kui nah designate kuri nah taki shae. Gaza deh taka Health Ministry para noh mohina laka war deh 39,000 upor Palestinians kan keh murai di shae kui shae. Military kan para taikan hamas militants laka against operation plan kuri ase kui shae, kun kan tateh jaka deh bui ase aro Israel laka against rockets launch kuri bole jaka tho chui ase kui shae. Jaka kan tho Muwasi humanitarian zone laka eastern side deh ae. Agae deh Israel kan para, humanitarian zone laka jaka deh kom seh kom million nishi nah Palestinians kan itia ase kui shae. Bishi wak jaka deh tho tent camps kan heh ase, kuteh sanitation aro medical facilities kan eman nai. Ceasefire mangi bole negotiations kan hua time deh etu announcement tho hui ase. Egypt, Qatar aro united States kan Israel aro Hamas keh dakai ase, war tho kotom kuri bole deal banai b kui nah. Israeli Prime Minister Benjamin Netanyahu laka office para Thursday din deh ekta negotiating team keh pata bole ase kui shae, kotha kan kuri bo karne.