Gang para kom seh kom 26 bosti manu keh murai di shae, Papua New Guinea deh

July 26, 2024: Papua New Guinea laka north jaka deh ekta gang para kom seh kom 26 jun keh murai di shae, teentha remote bosti deh, United Nations aro police officials para kui shae. “Ekdum bia taki shae. Mui jaka deh puncha time deh, mui mota, maike aro bacha kan keh diki shae. 30 jun laka group para taikan keh murai di shae,’ acting Provincial Police Commanderm James Baugen para Australian Broadcasting Corp keh kui shae, Friday din deh. Baugen para ABC keh bosti deh taka sob ghor keh julai di nah taki shae kui shae aro baja bosti manu kan sob ekta police station deh shelter lui taki shae kui shae. Tai para bosti manu kan tho perpetrators laka nam kubo leh bui kai taki shae kui shae. “Kun bah bodies kan tho crocodiles kan para lui jai shae, swamp deh. Taikan keh kuteh murai shae, mukan utu jaka keh heh diki shae. Matha kan tho kati nah taki shae,” Baugen para kui shae. Tai para hamla kura manu kan tho lokai ase kui shae aro itia b arrest kura nai kui shae. U.N Commissioner for Human Rights Volker Turk para ekta statement deh hamla tho July 16 aro July 18 din deh hui shae kui shae.