July 27, 2024: Donald Trump para Israeli Prime Minister Benjamin Netanyahu aro taila maike Sara lokot deh mili shae, Mar-a-Lago jaka deh. Meeting time deh, Former President para present-day conflicts tho Third World War deh uthi jabo pareh kui shae, tai 2024 presidential race hari shae koile tho.
Netanyahu lokot meeting lua time deh, Trump para taila rival Kamala Harris, keh slam kuri shae. Trump para tai tho Middle East laka mamla deh aro bia ase kui shae. GOP nominee para reporters keh Israel-Hamas war tho ekta pura-puri war hui jabo pareh kui shae, issues kan phat resolve nakuri leh tho. Trump para etu tho, tai November laka election jiti leh heh hobo kui shae.
“Sabo kinaka jabo. Hoile b sob bhal hui shae koile tho, sob simple hobo. Sob bhal hui jabo. Aro phat hobo. Enaka hua nai koile thp, apni laka hath deh dangor war kan taki bo, Middle East deh. Aro etu tho Third World War b taki bo pareh,” Trump para kui shae. “Second World War piche deh itia laka situation tho World War 3 laka sobse osor deh ase, apni. Mukan enaka kitia b osor deh aha nai. Etu tho kam nataka manu kan country keh pola karne hui shae.”
Add Comment