Paris Olympic opening time deh Italy laka flag bearer, taila wedding ring keh harai di shae

July 28, 2024: Flamboyant high jumper Gianmarco Tamberi aro dangor event laka kotha deh tho drama kitia b nataka tho nai. Italian para taila wedding ring tho Seine River deh harai di shae, Paris Olympics laka rainy opening ceremony time deh. “Mui bishi sorry, my love,,” Tamberi para ekta open letter apology deh liki shae, kuto tai Instagram deh post kuri shae. Etu apology letter tho taila maike, Chiara Bontempi karne taki shae. Jua mohina European Championships deh gold jita time deh, Tamberi, tai, taila shoes deh springs loka bole acting mari taki shae. Etu piche deh Italy President Sergio Mattarella laka arms keh jump kuri shae. Tamberi, tai, taila gold medal tho taila sathi Mutaz Barshim lokot deh mana time deh, Tamberi tho wild para celebrate kuri taki shae. Enaka celebrate kura tho taila performance laka upor deh aro attention ani shae. Tamberi tho men’s high jump competition  deh aro ekta gold jiti bole expect ase. “Hopefully etu tho ekta sign ase, mui dangor ekta gold lokot deg ghor wapas ahi bole ase kui nah,” tai para kui shae.