July 30, 2024: Russia laka navy kan, Arctic aro Pacific Oceans deh planned exercise kura shuru hui shae. Taikan Baltic aro Capsian jaka kan deh exercise kuri ase, defense ministry para Tuesday din deh kui shae. Military analyst kan bishi, Russia tho dunia laka third sobse kara navy ase kui nah papna kureh, United States aro China piche deh. Aro Russia kan ekta dangor ballistic missile nuclear submarine fleet ase. Russian drills kuteh 20,000 personnel aro 300 ships kana se, etu para navy laka readiness aro capabilities kan keh sob level deh test kuri bo, ministry para kui shae. Drills deh 300 laka upor combat exercise taki bo. Tatey anti-aircraft missiles, artillery, anti-submarine weapons laka use aro passive interference kan taki bo kui shae. “Russian Navy laka Units aro formation kan Northern, Pacific aro Baltic Fleets laka operational zones deh planned exercise conduct kura shuru hui shae,” ministry para kui shae.
Russian navy kan major drills kura shuru hui shae
Add Comment