Israel -Hamas war: Rockets kan para Israeli forces keh target kuri shae

July 30, 2024: Hamas aro Palestinian Islamic Jihad (PIJ) fighters kan, south Gaza City laka neighborhood jaka kan deh operate kura Israeli forces kan keh target kuri shae, rocket-propelled granades aro mortars kan chui nah. Netzarim Corridor deh deploy kura troops laka upor deh b rockets kan fire kuri shae. US-based defense think thanks, Institude for the Study of War (ISW) aro Critical Threats Project (CTP) laka isap deh, Hamas kan para ekta “Red Arrow” guided missile fire kuri shae, Israeli armored gari deh. Ekta combine Hamas-PIJ sniper attack para b Eastern Khan Younis deh taka Israeli soldier keh target kuri shae. Etu heh nahoi nah aro alak ekta joint Hamas-sniper PIJ sniper team para Bani Suheila jaka deh taka Israeli soldier keh target kuri shae. Alak kobor deh Israeli military kan Hezbollah keh jokom kuri bo mun jai, hoile b Lebanese armed group keh ekta all-out war deh lui jab oleh provoke kuri bo mun jai, Reuters news agency para kui shae. ‘Jawab di shae koile tho all-out war deh lui jabo kui nah estimation ase,” diplomatic source para Reuters keh kui shae. “Etu tho mukan laka interest deh nai,” taikan para kui shae.