China para Japan kan smear attack kura karne accuse kuri shae

July 31, 2024: China kan, Japan lokot deh kushi napai nah ase, China laka against “smear attack” kura karne. China kan etu dissatisfaction tho ekta recent high-level meeting deh kui shae, kuto United States, India aro Australia lokot deh lua ase, Foreign Ministry para Wednesday din deh kui shae. Ekta ministry statement para, Liu Jinsong, kun Asian affairs department laka director general ase, tai para Akira Yokochi lokot deh meeting lua time deh, serious jinta ani shae kui shae. Akira tho Japanese Embassy deh deputy chief of mission ase. “Liu para Japan kan laka smear attack, kuto China laka upor deh ase, etu tho self-contradictory ase kui shae.  Japan kan tuita country laka majo deh strategic aro reciprocal relationship promote kuri bo kui nah kui shae,” statement para kui shae. Sunday din, Tokyo deh mili nah, Japan laka foreign aro defense ministers kan para US lokot deh military cooperation utha bole agree kuri shae. Etu meeting tho “2 2 talks” laka nam deh janeh, kuto taikan laka American counterparts lokot deh ase. Ekta joint statement para China laka foreign policy tho taikan laka nijor laph karne, international order keh reshape kuri bole bisareh kui shae aro enaka behavior tho Indo-Pacific region aro alak jaka kan deh sobse greatest strategic challenge keh represent kureh.