Agencies, 15 November: Thursday din US Vice President Mike Pence pora President Donald Trump toh North Korean leader Kim Jong Un logode ahha sal log koribole plan kori ase koise. Etu time deh Pyongyang’s jaga laga arms programs toh kothom koribole ase. June moina Singapore jaga deh United States aro North Korea summit thaga bechide tai khan nuclear program kothom koribole plan kori ase. South Korean President Moon Jae-in logode log kora bechide Pence pora reporter logode kowah toh, plans toh jai ase. Ami khan biswas kori thaga toh ahha sal first moina phali summit hobole biswas kori ase. Hoilebe etu summit toh ketya aro kondu jaga deh thakibole ase kobo napari. NBC News logode interview kora time deh Pence pora kowah toh, United States pora Pyongjang logode nuclear weapons laga pura-puri list aro second summit kotteh thakibole ase janai nadilay be hoijabo. Hoilebe meeting laga plan toh thek pora koribo lagi koise. Singapor deh Asia-Pacific summit thaga time deh Pence aro Moon toh log kora thakise. Monday din US think tank pora kowah toh, North korea jaga deh 20 estimate kora 13 missile bases narokhi kena kum kori thaga paise. American khan weapons programs rokhabole ektum kosish kora deh Kim toh rokhijabole biswas kori ase.
Add Comment