Paris Olympics deh Algerian boxer Imane Khelif jita tho debate spark kuri shae

August 2, 2024: Paris Olympics deh, Algerian boxer Imane Khelif para Italy laka Angela Carini keh khali 46 seconds pitor deh harai di shae. Enaka hua tho gender eligibility rules deh ekta dangor debate ola bole di shae. Italian Prime Minister Giorgia Meloni para fight tho equal footing deh taka nai kui nah allege b kuri ase. “Mui laka papna deh athletes, kun kan lokot deh male genetics characteristics ase, taikan keh maike laka competition deh admit kuri bo nalageh,” Meloni para Italian athletes lokot deh meeting lua time deh kui shae. Ekta post deh, Meloni para etu liki shae,” Angle, tui give up nakuri bo kui nah mui janeh. Aro mui janeh, ek din tui ke deserve kureh, eti pabo. Ekta competition deh, kuto finally equal taki bo.” Khelif ao Taiwan laka Lin Yu-ting kan keh 2023 World Championship para disqualify kuri di shae- kuto International Boxing Association (IBA) para organise kuri shae. Taikan tho maike laka competition deh participate kuri bole criteria kan punchi bole para nai. “Athletes kan ekta testosterone examination undergo kura nai, hoile b ekta alak aro recognized test kuri shae. Specifics tho confidential ase,” IBA para ekta statement deh kui shae, Wednesday din deh. Italian boxer tho taila knees deh giri nah kanti taki shae, ring laka middle deh. Enaka hua tho online deh ekta outrage trigger kuri di shae.