Vatican para Paris Olympics laka “Last Supper’ performance keh condemn kuri shae

August 4, 2024: Vatican city para Paris Olympics opening ceremony laka upor deh kotha kuri shae. Etu kotha tho ekta performance karne ase kuto para Last Supper keh mock kuri shae. Vatican para Saturday din deh controversial performance tho manu kan karne respect dika nai kui shae. “Paris Olympics Games opening ceremony laka kun bah scenes para mukan keh upsos kuri di shae. Christians aro alak religions kan bishi etu karne offend hui nah ase aro awas kan b uthai ase etu laka against. Mukan b join kuri ase taikan keh,: Vatican para ekta press release deh kui shae, New York Post laka isap deh. “Ekta prestigious event deh, kuteh sob dunia, common values kan share kuri bo karne eki lokot deh ahae, enaka time deh bishi manu kan laka religious convictions keh mock kuri bole lageh. Freedom of expression tho alak manu kan karne respect para limited ase,” Vatican para kui shae. Opening scene para drag performers aro artist laka scene ekta dikai shae. Taikan ekta table deh line up kuri taki shae. Line laka side side deh lesbian activist aro French DJ Barbara Butch taki shae.