Saint Lucia laka Julien Alfred para historic gold jiti shae, women’s 100m deh

August 4, 2024: Julian Alfred para 10.72 seconds deh 100 meter tho kotom kuri dia piche deh, taila Saint Lucia island country karne first-ever Olympic medal tho ani di shae. Enaka hua tho Sha’Carri Richardson laka comeback tho ekta brick wall deh laki jai shae, Saturday din deh. Ricardson laka left deh polai nah, Alfred tho ekta edkum bhal start deh shuru kuri shae. Etu piche deh sita finish line deh jai nah, Richardson keh harai di shae, 0.15 seconds para. Richardson laka training partner, Melissa Jefferson tho third deh kotom hui shae, 10.92 seconds para. Richardson kun reigning world champion ase, tai karne rasta tho kuli ase kui nah diki taki shae. Tai tho taila Olympic debut banai taki shae. Hoile b Julian Alfred para etu rast tho bon kuri di shae.