Manika Batra lead kuria India para Romania ke 3-2 haraishey

Paris, 5 August : Star khiladi Manika Batra front para lead kurishey kitia India toh higher-ranked Romania laga khilaf ekta thrilling tie dey 3-2 jitishey aro Paris Olympics dey mahila laga table tennis team competition laga quarterfinals dey ekta memorable entry kurishey Monday dey. 2-0 lead kurina, India para Romania ke 2-2 dey level draw kuriboley ladai kuria dikhi paishey huilewi decider dey, Manika para tai laga side ke deliver kurishey. Sreeja Akula aro Archana Kamath para ekta doubles match dey Adina Diaconu aro Elizabeta Samara laga khilaf ekta 11-9 12-10 11-7 jeet logot proceedings shuru kurishey. Manika para higher-ranked Bernadette Szocs khilaf 11-5 11-7 11-7 jeet luina India ke aaram 2-0 lead dey lui jaishey, taikhan laga fourth-seeded opponents logot tie dey. India toh itia itu competition dey seeded 11th asey. Huilewi second singles match dey, India laga favour thakianai kitia Sreeja toh agey khel jitia piche dey European champion Samara khilaf 2-3 (11-8 4-11 11-7 6-11 8-11) haarishey. Sreeja laga haar para Archana aro Bernadette maju dey samna kuriboley raasta panaishey aro itu latter agey khel 11-5 jitishey, huilewi itu Indian para second 11-8 luina parity restore kurishey. Huilewi, Bernadette para next tuita khel 11-7 11-9 jitina match luishey aro tie ke decider dey pathaishey. Manika itu piche dey Adina ke 3-0 (11-5 11-9 11-9) blank kurina India laga favour dey tie seal kurishey. India toh quarter-finals dey USA nahuiley Germany ke samna kuribo. Japan, Poland, France aro Thailand bhi draw laga eki side dey asey.