Israel para $26 Million Palestinian Tax Funds seize kurishey

Israel, 5 August : Israel laga far-right Finance Minister Bezalel Smotrich para 100 million shekels ($26 million) tax funds ke seize kuriboley order kurishey kuntu Palestinian Authority karney asey, kuishey ki itu ke terrorism laga Israeli victims ke pay kuribo.  Sunday dey Israel para issue kuria ekta statement dey, finance ministry para kuishey ki funds ke confiscate kuria toh terrorism ke combat kuriboley ekta part thakishey. Itu statement dey Smotrich para Palestinian Authority ke itu funds ke terrorists laga khantan ke divert kuria aarop kurishey, kuntu Israeli-occupied West Bank laga ekta part ke govern kurey. Israeli politicians para hotai Ramallah-based Palestinian Authority ke criticise kurishey, Palestinians laga khantan ke financial support dia karoney, kun khan Israel khilaf violence karoney jail kurishey nahoiley murishey. Finance ministry para kuishey ki itu toh fifth par asey funds withhold kuria dikhi paa, kuntu Israel para Palestinian Authority laga behalf dey collect kurey. Palestinian Authority para comment karney AFP requests ke immediately jawab dianai.