US para Bangladesh deh hua interim govt announcement keh welcome kuri shae

August 6, 2024: US para Bangladesh deh announced kura interim government keh welcome kuri shae. US para ki transition taki leh b, democratic principles aro rule of law deh taki bo lakeh kui shae aro Bangladesh manu kan, taikan laka nijor government keh choose kura tho diki bole mun jai kui shae. US para violence kotom kuri bo lakeh kui shae aro human rights abuses karne accountability taki bo lakeh kui shae. Taikan para Army kan protestors keh crack down kuri bole resist kuri shae koile tho ekta positive development ase kui shae. Bangladesh PM Sheikh Hasina resign kuri nah India deh polai jah piche deh, State Department spokesperson Matthew Miller para ekta regular press briefing deh kui shae,” PM Hasina, taila position para resign kuri nah Bangladesh para depart kura tho diki shae mukan. Mukan situation tho bhal para sai ase. US kan Bangladesh laka manu kan lokot deh uthi ase.” Tai para US kan itia ekta democratic order diki bole mun jai kui shae. “Bangladesh manu kan, taikan nijor laka government keh choose kura sab oleh mun jai mukan.”