PKL auction dey hammer andar dey jawoley stars

India, 6 August : Asian Games gold medallist Pawan Sehrawat aro Pardeep Narwal toh itu auction dey hammer andar dey jawo kitia franchises khan para Pro Kabaddi League (PKL) laga season 11 agey dey 88 khiladi ke retain kurishey. Itu franchises para khiladi laga ekta core group ke retain kurishey aro auctions dey stronger units build kuriboley sai asey kuntu yatey August 15 aro 16 dey thakiboley asey. Retain kuria dey Dabang Delhi K.C para kuria raider duo Ashu Malik aro Naveen Kumar milaina asey. Puneri Paltan para season 10 laga sobse valuable khiladi award winner Aslam Inamdar ke dhurishey kitia Jaipur Pink Panthers para star raider Arjun Deshwal ke retain kurishey. Total 88 khiladi ke three categories dey retain kurishey, kitia Elite Retained khiladi (ERP) category para 22, Retained Young Players (RYP) category dey 26 aro Existing New Young Players (ENYP) dey 40. Itu retain nahua khiladi dey Maninder Singh, Fazel Atrachali aro Mohammadreza Shadloui Chiyaneh milaina asey. Itu auction dey, domestic aro overseas khiladi ke four categories dey divide kuribo : A, B, C aro D. Itu khiladi khan ke agey ‘All-Rounders’, ‘Defenders’ aro ‘Raiders’ nishna each category dey sub-divide kuribo. Each categories laga base prices toh : Category A – Rs 30 Lakh, Category B – Rs 20 Lakh, Category C – Rs 13 Lakh, Category D – Rs 9 Lakh. Itu khiladi pool dey 500 khiladi asey. Iti squad karney each franchise dey total salary purse available toh Rs 5 crore asey.