Uttar Pradesh laga Deoria dey food poisoning karney 80 students bimar huishey

Uttar Pradesh, 6 August : Food poisoning laga ekta case dey, itu district laga Mehroona bosti dey Pandit Deendayal Upadhyay Ashram Method Inter College para 80 students  stomach pain, vomiting aro diarrhoea laga symptoms logot bimar huishey, officials para Monday dey kuishey. Itu ghatna toh bacha khan Sunday raati dey dinner khai piche dey huishey, taikhan kuishey. District Magistrate Divya Mittal para reporters ke kuishey ki itu students toh stable haalat dey asey kitia itu ghatna dey ekta investigation chuli asey. Monday dey release kuria ekta official statement hisab dey, government-run school dey kunwa students food poisoning karoney bimar hua report kurishey. Tuita students, Akash ark Nitesh, Maharishi Devraha Baba Medical College dey treatment lui asey. Bachina thakia students khan school dey Chief Medical Officer (CMO) para lead kuria doctoe laga ekta team para primary treatment dishey. Sob students surakshit asey, aro ekta medical team school dey ekta precaution nishna thaki asey, itu statement kuishey.