PM Modi para Vinesh Phogat laka disqualification deh react kuri shae

August 7, 2024: Wednesday din deh Prime Minister Narendra Modi  para Vinesh Phogat laka disqualification deh react kuri shae, kuto gold medal bout para taki shae, Paris Olympics deh. Modi para wrestler keh Champions pitor deh ekta champion ase kui shae. PM Narendra Modi para taila disqualification piche deh Vinesh Phogat aro kara para wapas ahi bo kui nah confident ase kui shae. “Vinesh apni champion kan laka pitor deh ekta champion ase! Apni India laka pride ase aro sob Indian manu kan karne inspiration ekta ase. Aji laka setback tho mun bikai. Mui ki experience kuri ase itia, etu express kuri bole word taki bole wish kuri ase,” Modi para liki shae. “Eki time deh, apni lokot deh resilience ase kui nah mui janeh. Hotai challenges kan keh lua tho apni laka nature taki shae. Aro kara para wapas ahi b! Mukan sob apni karne root kuri ase,” tai para kui shae. Sources laka isap deh, Prime Minister Modi, tai, Indian Olympic Association (IOA) President PT Usha lokot deh b kotha kuri shae aro issue deh first hand information b mangi shae. Etu heh nahoi nah India laka option kan b hudi shae, Vinesh laka setback deh. Prime Minister par taike options kan explore kuri b kui shae, etu case deh Vinesh keh motot kuri bo karne, Tai para PT Usha keh ekta strong protest file kuri b kui shae, taila disqualification deh.