India para non-essential staff aro kandan kan keh olai di shae taikan laka mission para

August 7, 2024: India kan para Dhaka deh taka high commission laka sob non-essential staff aro kandan manu kan keh olai di shae, precautionary measure laka nam para. Etu move tho former premier Sheikh Hasina, Monday din deh resign kura piche deh hui ase. Army para interim government naha tak country keh run kuri bole responsibility lui nah ase. Interim government tho Nobel laureate Muhammad Yunus para lead kura ase. “Dhaka deh taka Indian high commission para non-essential staff aro kandan manu kan keh olai dia tho ekta voluntary basis para kura ase, ekta commercial flight para. Non-essential staff aro kandan kan tho Wednesday morning deh wapas ahi shae.” Hasina quit kura piche deh, Indian high commissioner Pranay Verma aro Dhaka deh taka alak diplomats kan hectic efforst deh engage hui nah ase kui shae, Bangladesh deh taka authorities lokot deh. Indian side para military authorities keh b kui nah ase, Indian nationals aro Bangladesh laka minority communities keh protect kuri bole lageh kui nah, taikan para kui shae. Bangladesh Army Chief Gen Waker uz-Zaman para peace aro order manhi nah b, country deh violence tho itia b ase. Hoile b Dhaka deh tho olop normalcy tho wapas ahi nah ase.