Bangladesh Army kan protest keh suppress kuri bole mana kuri shae

August 7, 2024: Long-time leader Sheikh Hasina Bangladesh para nebula time deh, taila army chief, taila generals kan lokot deh meeting lui shae aro troops kan ekta curfew keh enforce nakuri bo karne civilians laka upor deh open fire nakuri bo kui nah decide krui shae, tuita serving army officers para Reuters keh kui shae. Gen. Waker-UZ-Zaman etu piche deh, Hasina laka office keh call kuri shae, aro taila soldiers kan lockdown, kuto tai mangi shae, etu tho implement kuri bole napari bo kui nah bujai di shae, Indian official laka isap deh. Message tho clear taki shae, official para kui shae. Hasina lokto deh army laka support taka nai. Military top brass majo deh hua online meeting laka details aro Hasina keh dia massage tho report hua taka nai. Taikan para Hasina laka 15 sal rule para kinaka ekta chaotic aro sudden end deh ahi shae, etu explain kuri bole motod kuri shae.  Kom seh kom 91 jun, nationwide clashes deh muri jah piche deh heh nation wide curfew tho impose kura ase, Sunday din deh. Army spokesman Lt. Col para Sunday evening laka kotha kan tho confirm kuri shae. Meeting deh aro ki ki decision kan lui shae, etu deh question kan huda time dhe, tai eku details kan aro kwa nai.