Vinesh Phogat disqualify huwo parey, medal najitiwo

Paris, 7 August : Vinesh Phogat karney ekta heartbreaking fate dey, itu wrestler ke Paris Olympics para disqualify kurishey, tai laga 50 kg gold medal bout laga morning dey weight kuriboley naparia piche dey. Agey dey, sources kuishey ki itu wrestler toh permissible limits logot roughly 100 grams upar asey, kuntu karoney tai disqualification huwo parey. Competition rules hisab dey, Phogat toh ektq silver medal karney eligible nahuwo. Itu IOC piche dey confirm kurishey ki Phogat ke Yusneylis Guzman para replace kuribo, Cuban wrestler kun ke tai para semi-final dey haraishey, gold-medal bout dey. Dr Dinshaw Pardiwala, Paris dey Indian Contingent laga Chief Medical Officer, all-night race laga khota kuishey kuntu medical team aro Vinesh para tai laga weight cut luwoley kurishey, kuntu dey tai aga chuli kati dia, tai laga kapda khata kuri dia, aro sauna procedures nishna desperate measures luishey. Tai Tuesday laga bouts karney rule laga hisab dey weight panaishey, wrestlers khan itu competition laga tuita din karney bhi weight category dey thakiboley lagey.