‘Modi laka ghor occupy hobo’: MP Congress leader

August 8, 2024: Senior Madya Pradesh Congress leader Sajjan Singh Verma para Bangladesh deh hua nishi nah, India laka manu kan b ek din, Prime Minister Narendra Modi laka ghor keh storm kuri bo kui shae. Tai etu kwa piche deh ekta controversy keh court kuri shae. Hazar nishi nah protestors kan Sheikh Hasina laka official residence keh vandalize kura piche deh Congress leader para enaka remarks kan bana ase. Congress workers kan keh address kura time deh, Verma para TV channels kan report kuri ase kui shae, Bangladesh laka manu kan prime minister laka official residence deh gusi ase kui nah. Tai para etu tho Sheikh Hasina aro taila government laka wrong policies karne ase kui shae. “Narendra Modi ji, yat taki b, ek din, manu kan prime minister laka residence deh guib o, apno laka wrong policies karne aro taikan PM laka ghor keh occupy kuri bo. Etu tho recently Sri Lanka deh hui shae. Manu kan Prime Minister laka ghor deh gusi shae. Piche deh itia Bangladesh deh hui shae aro itia India laka turn ase,” former state minister para kui shae, PTI laka isap deh. Verma laka comment para bharatya Janata Yuva Morcha (BJYM) keh gusa kuri di shae, kun kan para Congress leader laka against ekta case register hobo leh demand kuri shae, taila “anti -national;” language karne.