Rafael Nadal, US Open 2024 para ulaishey

US, 8 August : Rafael Nadal, ekta 22-time Grand Slam champion, US Open dey compete nakuribo, tai Wednesday dey kuishey, kitia itu 38-saal Spaniard para kuishey ki tai phabna dey tai bhaal para perform kuriboley naparibo. Nadal, ekta four-time US Open champion, kuishey tai laga next event toh Berlin dey ahia mahina laga Laver Cup dey thakibo. US Open dey miss out kuria para tai laga sixth absence mark kuribo, jaa seven Grand Slam tournaments dey, itu saal laga French Open dey tai laga first round ouster ekela exception thakina. Nadal Paris Olympics dey compete kurishey Roland Garros dey, kutey tai 14 French Open singles titles jitishey. Itu Spaniard, kun 2008 dey Olympic singles gold jitishey, eventual champion Novak Djokovic khilaf singles dey second round dey haarishey, aro Carlos Alcaraz logot doubles quarter-finals dey girishey. Jaa mahina Bastad dey, Nadal 2022 para luina tai laga agey ATP final pahunjishey, Portugal laga Nuno Borges khilaf haarina. Nadal laga sobse recent Grand Slam title  2022 French Open dey ahishey. Tai jaa par 2019 dey US Open crown luishey huilewi itia jaa five US Opens laga four miss kuribo, 2022 dey fourth round dey tai laga run ekela exception thakina.