Israeli strike para ekso nishi nah manu keh murai di shae Gaza school refuge deh

August 11, 2024: Gaza City School compound kuto displaced Palestinian families kan keh house kuri ase, tateh ekta Israeli airstrike hua tho ekso nishi nah manu kan keh murai di shae, Gaza Civil Emergency Services para Saturday din deh kui shae. Israel para toll tho inflated ase kui shae aro mura manu laka pitor deh 19 jun tho militants kan ase kui shae. Site deh lua video para body parts kan alak alak jaka deh taka dikai shae aro bodies kan keh lui jah b dikai shae. Khali food tins kan tho khun taka laka jaka deh taki shae aro juli nah taka mattresses kan b taki shae. Alak ekta video deh, mota kan dozen nishi nah body bags agae deh pratna kuri taki shae. Territory laka Civil Emergency Service aro Hamas-run government media office para ekta alak statement deh complex deh taka manu kan dawn prayers kura time deh hamla kuri shae kui shae. “Itia tak tho, 93 martyrs upor tho ase, tateh 11 bacha aro choitha maike kana se. Unidentified remains kan b ase,” Palestinian civil defense spokesperson Mahmoud Bassal para ekta televised press conference deh kui shae.