Gurugram workshop deh 16 luxury gari juli jai shae jui deh

August 11, 2024: Silokhra bosti laka ekta car workshop deh jui juli jah tho 16 luxury gari juli jai shae, Saturday din deh. Fire Department laka isap deh, jui tho jula time deh worshop deh ekta b employee taka nai. Hoile b business tho ekta major damage suffer kuri shae. Kile koile jui deh bangi jah gari kan lala dam tho rs 10 crore laka upor deh ase. Jui tho Friday din laka 3am deh shuru hui shae, Berlin motor workshop deh, kuto Moti Vihar laka Sector 41 deh located ase. Mercedes, Audis, BMW, Range Rover, Volvo, Ford Eco Sport, Opel Estra aro Jaguar kan tho kun bah gari kan ase, kuto workshop deh park hui nah taki shae aro bangi jai shae. Alak gari kan b jui para damage hui jai shae. Sector 29, Bhim Nagar, Udyog Vihar, Sector 37 aro IMT Manesar stations para tenders kan dispatch kuri shae aro fire department kan b phat respond kuri shae. Utu jaka deh 11 fire tenders kan patai di shae hoile b taikan aha time deh tho, jui para workshop laka atha tho julai nah taki shae.