Bangladesh laka Muhammad Yunus, Hindu leaders lokot deh mili bol  ase

August 13, 2024: Muhammad Yunus kun Bangladesh interim government laka leader ase, tai para Hindu Bengali leaders lokot deh ekta meeting lubo leh mati shae, Tuesday din deh. Etu nahua agae deh, Hindu temples, ghor aro businesses kan keh bishi vandalized kuri nah taki shae, country deh. Manu kan kun minorities laka temples kan keh desecrate kuri shae aro country deh arson aro loot kuri shae, taikan keh punish kuri bo kui nah interim government para kasam kuri shae. “Taikan etu country laka manu kan nahoi? Apni etu country keh bacha bole pari shae; apni kun bah kandan keh bacha bole napareh? Apni “Kun b taikan keh jokom kuri bole naparibo” kubo lakeh. Taikan mui laka brothers ase; mukan eki lokot deh fight kuri shae, aro mukan eki lokot deh taki bo,: Nobel Prize winner para students kan keh kui shae, Begum Rokeya University deh. Tai para Bangladesh minorities laka against hamla kan tho ‘sabotage’ taki bo pareh kui nah caution kuri shae. Tai para etu manu kan taikan laka progress keh undermine kuri bole koshish kuri ase pareh kui shae. Tuita Hindu organisation, Bangladesh Hindu Buddhist Christian Unity Council aro Bangladesh Puja Udjapan Parishad laka isap deh, Sheikh Hasina laka government gira piche deh minority communities laka against kom seh kom 205 hamla kan hui shae. Sunday din deh, Hindu organisation kan bishi Centre keh demand kuri shae, Bangladesh deh taka Hindus kan keh protect kuri b kui nah. Swatantryaveer Savarkar Rashtriya Smarak, Manav Seva Pratisthan, Vajra Dal, Yog Vedant Samiti, Suyash Mitra Mandal, Shri Shivarajyabhishek Dinotsav Samiti, Sanatan Sanstha aro Hindu Janjagruti Samiti nishi nah organisation members kan para demand tho mangi shae.