War tho kun laka b interest deh nai, UK PM para Iran laka Pezeshkian keh kui shae

August 13, 2024: British Prime Minister Keir Starmer, Iranian President Masoud Pezeshkian lokot deh ekta phone call kuri shae Monday din deh. Call deh UK PM para Masoud keh Israel laka against hamla nakuri b kui shae aro war tho kun laka b interest deh nai kui shae, prime minister laka office para statement deh kui shae. Middle East deh tension taka tho komti kuri bole koshish deh Starmer, Pezeshkian lokot deh kotha kuri shae. Iran deh Hamas leader Isamil Haniyeh aro Hezbollah Military commander Fuad Shkur, Beirut deh muri jah tho, Israel laka against damki kan tho uthai di shae. Sky News laka isap deh, phone call tho 30 minutes karne last kuri shae aro British premier, US President Joe Biden aro alak European allies lokot deh kotha kura piche deh hui shae. “Miscalculation laka ekta serious risk taki shae aro itia tho calm aro careful consideration laka time lobo leh laka ase,” 10 Downing Street para Starmer keh cite kuri nah kui shae.