California deh joi ola pora 66 jun morikena ase

Paradise, 16 November: Thursday din California’s  jaga deh katharnaak joi olai kena thaga pora manu haraija toh 600 pora be besi howah thakise. Aro etu opor deh rescuers khan pora 7-jun morija manu be powah thakise. Authorities pora kowah toh, 300 manu harai kena  thaga 631 hoijaise. November 8 direk northern California jaga deh joi laga khobor honi khena investigators jai kena korai ahhai kena emerhency calls kora thakise. Butte County Sheriff Kory Honea pora journalist logode, ami khan khan joi deh deal kori thaga toh biswas be koribole napara ekta thakise koise. Camp Fire pora sob meli kena manu mora toh 63 hoise. Southern California jaga debe joi ola pora nai-nai koilebe tin jun manu mori kena ase.  Saturday din President Donald Trump toh joi pora manu khan mori kena thaga jaga deh jabole kori koise. State history deh etu hatsa toh sobse beya wala ase koi kena biswas kori ase. Paradise laga Butte County town deh manu khan besi jun mori kena thaga aro harai kena toh dangor manu khan ase.  Joi pora manu khan polabole napari kena nahoile car pethor deh pasha kena morise pari koikena biswas kori ase.