North Korea pora notun strategic hatyar phal pora test korise

Seoul, 16 November: North Korean leader Kim Jong Un toh notun strategic hatyar test kora deh sai thakise koikena Friday deh  Pyongyang’s state media pora janaise. Etu pora ahhibole din denuclearisation nemide kotha kora time deh gorom-gorm hobole ase. Washington logode nuclear aro missile programme laga kotha kora bechide North Korea pora etu hatyar test kora toh fist time ase. Official Korean Central News Agency pora kowah toh, Kim Jong Un toh test kora Academy of Defence Science jaga deh thakise aro etu notun hatyar test kora deh saija thakise. Khobor janaideya hesab deh, test toh phal pora korise. Hoilebe tai khan pora etu hatyar toh key type laga ase janaideya nai. Etu sal Pyongyang’s jaga deh nuclear hatyar test nakoribole aro ballistic missiles toh bondh koribole kotha kori thakise. President Donald Trump pora be North Korea aro US majode summit thaga ke par-par naam ocha kora kotha koi thakise. Etu sal June moina Singapore jaga deh Trump aro Kim summit thaga time deh nuclear hatyar najolabole aro ban koribole laga kotha kora thakise. Aro etu time deh North Korea be ahhibole din phali phal hoijabo karni otha kora thakise. President Trump aro Chirman Kim majode kotha kora nesana ahhibole din phali phal hoijabole biswas kori ase.