Germany laga Maximilian Beier, Five-saal Borussia Dortmund Deal sign kurishey

Germany, 13 August : German international Maximilian Beier para Monday dey Borussia Dortmund logot ekta five saal deal sign kurishey, Bundesliga club logot ekta deal dey medical pass kuria piche dey kuntu reports hisab dey 30 million euro ($32.7m) laga asey. Itu 21-saal striker toh Hoffenheim para ahishey kutey tai jaa six saal karney khilishey, Energie Cottbus youth system para ahia piche dey. “Mui laga career dey mui itu next major step luwoley bishi excited asey,” Beier kuishey, kun 33 khel dey 16 goals score kurishey tai laga first full Bundesliga season dey. Tai March dey tai laga first senior international call-up paishey aro European Championship karney Julian Nagelsmann laga Germany squad laga ekta part thakishey. Club sporting director Sebastian Kehl para kuishey ki Beier toh club laga “top target” thakishey Niclas Fuellkrug laga departure piche dey kun English Premier League club West Ham karney charishey.