Speeding SUV para Mumbai rickshaw driver keh murai di shae

August 14, 2024: Ekta 36 sal rickshaw driver laka death connection deh, Mumbai deh Versova police para tuita manu keh arrest kuri shae. Utu tuita manu laka speeding SUV para ekta 36 sal laka rickshaw driver keh murai di shae, August 12 din deh. Victim, Ganesh Yadav tho Mumbai laka Versova beach osor deh gumai taka time deh, ekya speeding SUV para taike crush kuri nah murai di shae, news agency ANI para report kuri shae. Acccused Nikhil Jawale (34) aro taila sathi Shubam Dongre (33) keh arrest kuri nah ase aro culpable homicide laka case keh register kuri nah ase. Police para ANI keh taijun keh, ekta local court agae deh ani shae kui shae aro investigation kan kuri bo karne five-day police custody deh patai di shae. Taikan laka blood samples keh test kuri bo karne patai nah ase, taikan mudu kai nah taki shae nah nai, jani bole. Etu incident tho August 12 laka early hours time deh hui shae. Tuita rickshaw drivers, Ganesh Yadav aro Bablu Srivastava tho report isap deh beach osor deh gumai taki shae, city laka humid conditions para nijor keh relieve kuri bo karne. Srivastava laka math aro hath deh impact hua tho tai uhti jai shae aro utha piche deh ekta speeding SV para taila sathi Ganesh keh crush kuri dia tho diki shae, kun taila side deh gumai taki shae, police para Indian Today keh kui shae.