Teentha kandan manu suicide para muri jai shae

August 14, 2024: Shivamogga deh ekta kandan laka teentha member suicide para muri jai shae, ekta police officer para Tuesday din deh kui shae. Police para taikan financial dictar taka karne extreme step tho lui shae pareh kui shae. Officer para incident tho Monday rati deh hui shae kui shae. Teentha manu, kun ekta 45 sal laka maike, taila 38 sal laka bai aro taila 22 sal laka bacha ase kui nah identify kuri nah ase, taikan allegedly poison kai nah suicide para muri jai shae. Maike laka mota tho olop sal agae deh muri jai shae. Muri jah tho tai kandan para ekla poisa kama manu hui jai shae, Tai tho ekta local hotel deh employ taki shae, taikan keh support kuri bo karne. Police laka isap deh, maike laka bai tho bishi sal karne tuberculosis para suffer kuri taki shae aro taila bahca tho unemployed taki shae. Maike tho financial burden karne bishi stress pitor deh taki shae. Doddapete police station inspector N Ravi para exact reason tho itia b najaneh kui shae. Preliminary investigation para teenjun b dinner lokot deh poison tho kai shae kui nah suggest kuri shae. Taikan eki lokot suicide kuri bole decide kuri shae nah maike para nijor decision banai shae, etu tho najaneh kui shae.